21.267 herritar deituta, botoa ematera

Espainiako Kongresua eta Senatua osatzeko, hauteskun­de orokorrak daude deituta gaurko, baita Urumea baila­ran ere. Bertan, denera, 21.267 herritar daude botoa ematera deituta: 100 aranoar, 587 goi­zuetar, 15.753 hernaniar (tar­tean, 475 ereñotzuar), eta 4.827 astigartar. 

Kongresurako, Hernani, Ere­ñotzu eta Asti­ga­rragakoek, Gipuzkoako sei or­dezkariak hau­tatzeko eman­go dute bo­toa; aranoar eta goi­zuetarren esku egongo dira, al­diz, Na­farroako bost ordez­ka­riak.

Horretarako, hamabi hau­tagaitza izango dira Gipuz­ko­an: EAJ, EH Bildu, Elkarrekin Podemos, PSE-EE, PP, Ciuda­danos, VOX, PACMA, Aulki Zu­riak, Recortes Cero, PCTE, PUM+J. Nafa­rroan, aldiz, ha­mar: Navarra Suma, Unidas Po­demos, PSN, EH Bildu, VOX, Geroa Bai, PACMA, Asanblada Social y Política, eta PUM+J. 

Senaturako, aldiz, launa se­natari aukeratuko dituzte gi­puz­koarrek eta nafarrek. Na­farrek, zazpi hautagaitza izan­go dituzte: Cambio-Alda­keta, Na­­varra Suma, PSN, PACMA, PUM+J, Re­cor­tes Cero eta VOX. Gipuzkoan Kongresurako eta Senaturako hautagaitzak erre­pi­katzen dira.

Ordutegi aldaketa, Kronikak

Urumea bailarako emaitza guz­tien berri emango du Kro­nikak biharko alean. Gainera, gaurko bulego-ordutegian ere eragina izango du hautes­kun­de-egu­nak. Goizez itxita egon­go da bu­legoa, eta 16:00etatik au­rrera  ire­kiko da. Edo­zein ka­­sutan, 688 66 07 14 tele­fonoa erabil­ga­rri egongo da, egun osoan zehar. 

Dagoeneko lanean, hurrengorako

Gaur zozketatuko dituzte hauteskunde-mahaiak, Astigarragan.