Kolektiboki erantzun beharko genieken hainbat arazori bakarrik erantzuten saiatzen gara, frustrazioa eta porrota ekarriz kasu gehienetan, eta kosta egiten zaigu aldamenekoari laguntza eskatzea.
Horregatik, gaur inoiz baino garrantzitsuagoak ditugu elkarlana eta gizartearen saretzea bultzatuko duten dinamikak, sistemak garamatzan gizarte bakarti horretan eror ez gaitezen. Bizitza pertsonalaz gain, arlo ekonomikoan elkar laguntzeko erremintak eta prestutasuna egon behar dute kapitalismoak garamatzan indibidualismoari aurre egiteko.
Horretarako, elkarri laguntzen eta balore sozialagoekin bizi eta lan egin nahi dugun kolektiboak identifikatuta izan behar ditugu, elkarlanaren aldarri izango den mapa batean. Gure saretzea erakutsiko duen plataforma honek asko garela desberdin bizi nahi dugunok azalduko du, eta bakardadearen kontra borrokatuko duen mugimendua indartzen lagunduko du.
Asier Garikano Zubeltzu
Batura
Euskal Herriko ekonomia sozial eraldatzailearen mapa.