Txotx denboraldiaren bukaera dela-eta, igandean itxiko dute turismo informazio-puntua, uztailera arte. Hori horrela, asteburu honetan, bihar eta etzi egingo dituzte azkeneko bisita gidatuak.
Bihar, gaztelaniaz; etzi, euskeraz
Egun bakoitzean bisita gidatu bana egingo dute, 11:30etan Biteriko turismoko informazio-puntutik, abiatuta.
Hernaniko hirigunean zehar egingo dira, eta ordu eta erdiko iraupena izango dute, gutxi gorabehera. Herriko txokoak, gidaren azalpenek jantziko dituzte; horiek, gaztelaniaz izango dira bihar, eta euskeraz, aldiz, etzi.
Bisita debalde da, eta ez da erreserbarik egin behar.