bisita berezia jaso zuen aurreko astean Hernaniko Gizakia Helburu proiektuak; USAC partzuergoko hainbait ikasle bertaratu ziren Marielutsen daukaten egoitzara. Estatu Batuetako unibertsitateen partzuergoa da, Renon, Nevadako Unibertsitatean egoitza duena.
Donostiara bisita USAC-UNR eta EHU-ren arteko akordioa dela-eta egiten dute urtero Estatu Batuetako hainbat ikaslek «hemengo hizkuntza, kultura eta bestelakoak ikastera», azaldu dute Gizakia Helburutik.
Seihileko honetan Chemical dependecy (menpekotasun kimikoa) irakasgaia jorratzen ari direla-eta, Gizakia Helbururen programetan darabiltzen «metodologia ezagutu dute, baita arretaz entzun hainbat erabiltzaileek bizi duten esperientzia ere». Hori horrela «esperientzia interesgarria» izan dela onartu dute Gizakia Helburutik.