hurrengo asteazkenean izango da maiatzaren 1a, Langileen Nazioarteko Eguna. Eta egun horretako aldarrikapenak kalera ateratzeko, hainbat ekintza antolatu ditu M1 Langileontzat plataformak, Kontrakantxa Gaztetxearen bueltan.
Gaur izango da aurreneko jarduera, Andoaingo gaztetxean, arratsaldeko 18:00etan hasita. Orduan, Autodefentsaren beharraz hausnartzeko asmoz, Ikasle Autodefentsa Sareak eta Hernaniko Langileon Babes Sareak bat egingo dute mahai inguruan.
Bihartik aurrera, Hernanin
Hernanin izango dira beste bi jarduerak, bihar eta etzi.
Bihar 13:00etatik 15:00etara jantoki soziala irekiko dute, Hernaniko Langileen Babes Sarearen eskutik. Ondoren, arratsaldeko 18:30etan, hitzaldia izango da: Kapitalismoa eta krisia, begirada bat 2008. urteari. Ikasle mugimenduko bi kidek eskainiko dute, hain zuzen.
Larunbata izango da, ordea, egun haundiena. Goizeko 11:00etan hasiko dute eguna auzolanarekin. Ondoren, 18:00etan, hitzaldia izango dute Nazio auzia izenburupean; eta 21:00etan, bertso afaria. Aitor Bizakarra (Bizkaiako Txapelketako finalista) eta Hernaniko gaztetxeko bertso eskolako kideekin. DJ USBrekin bukatuko da festa.