Askizutik Gipuzkoakora, Osinaldetik pasata

Eskolako oporraldia bertso­tan hasi zuten Hernaniko Ber­tso Eskolako kideak, eta hala jarraituko dute apirila bukatu eta maiatzan zehar ere. 

Askizun, asteburupasa

Askizu izan zuten aurreneko geltoki, Bertso Eskolako ki­deek. Oporraldia hasi berritan izan zen hori, apirilaren 12tik 14ra. 12 kide elkartu ziren eta hainbat ekintza egin zituzten. Haientzat bereziena, han egin zuten «Korrika propioa» izan zen, auzoan zehar egin zute­na ostiralean. Larunbatean, afa­los­tean bertso eskolako gaz­teen bertso-saioa izan zuten; eta igandean, aldiz, etxera bueltatu aurretik, bertsoz agur­tu zuten Askizu. 

Osinalde sariketan, Eli Pagola

Aurreneko geltokitik, bigarre­ne­ra egingo du Eli Pagolak, oraingo honetan, berak baka­rrik. Osinalde Sariketaren fi­na­la jokatuko du etzi, Gabi­riako Osinalde elkartean. Ilun­tzeko 20:30etan hasiko da txa­pelketa.

Hain juxtu, martxoaren 30e­­an lortu zuen finalerako txartela Ordiziako Argi Berri elkartean jokatu zuen aurre­neko kanporaketan. 

Harekin batera, 48. Osi­nal­de Sariaren bila arituko dira Danel Olano, Ane Zuazu­biskar, Oier Etxeberria, Joanes Illa­rregi eta Ibai Amillategi.

Maiatzean, Gipuzkoakoa

Maiatzaren hasieran izango dute, ordea, hirugarren geltoki garrantzitsua: Gipuzkoa Ber­tso­tan, txapelketarako sailka­pen fasea. 

Maiatzaren 4tik 25e­ra bi­tarte jokatuko dute Gipuzkoan zehar, 14 saiotan. Antolaketa lanetan hamaika lagun, 15 gai-jartzaile, 18 epaile, 3 idazkari eta 84 bertsolari izango dira. 

Baita Hernanitik joanak ere. Bertsolarien artean,  Ber­tso Eskolako zortzi izango dira bertan: Eñaut Marti­korena Li­za­so, Iker Ormazabal Oje­da, Asier Azpiroz Iztueta, Andoni Mu­jika Izagi­rre, Eli Pagola Ape­zetxea, Oier Iurra­mendi Etxe­be­rria, Beñat Muji­ka Iza­girre eta Iñaki Ze­la­ia Irazusta. Eta epaileen artean, beste hiru: Bakarne Urreaga, Iñigo Le­gor?buru eta Amaia Otxotorena.

Bertsolariak bi multzotan banatuta arituko dira, eta mul­­tzo bakoitzean 7 saio jo­ka­tuko dituzte. Horiek guztiak jo­katu ondoren, multzo ba­koi­tze­ko au­rreneko 17ek lortuko du­te Gipuzkoako Txapelketa­ra­ko txar­tela. Dagoeneko sailka­tuta dauden beste 14 bertsola­rie­kin batera arituko dira.

Hasieratik, hernaniarrak

Maiatzaren 4an hasiko da Txa­pelketaren sailkapen fasea, eta egun horretan bertan es­trei­natuko dira hernaniarrak. 17:00e­tan izan­go dira bi saioak. A multzoarena, Asteasuko uda­letxean; eta B multzoarena, al­diz, Idiazabalgo Guraso Elkar­tean. Aurrenekoan, Eñaut Mar­tikorena arituko da; bigarrene­an, aldiz, Iker Ormazabal.

HERNANIARRAK SAILKAPEN FASEAN

Maiatzak 4, 17:00etan: 

A MULTZOA, Asteasuko udaletxean: Eñaut Martikorena Lizaso.

B MULTZOA, Idiazabalgo Guraso Elkartean: Iker Ormazabal Ojeda.

Maiatzak 5, 17:00etan: 

B MULTZOA, Orioko Kultur Etxean: Asier Azpiroz Iztueta.

Maiatzak 19, 17:00etan: 

A MULTZOA, Errezilgo Herri Eskolan: Andoni Mujika Izagirre.

Maiatzak 25, 17:00etan: 

A MULTZOA, Bergarako Seminarixuan: Eli Pagola Apezetxea, Oier Iurramendi Etxeberria, Beñat Mujika Izagirre.

B MULTZOA, Donostiako Larratxo Kultur Etxean: Iñaki Zelaia Irazusta.