Apirilaren 13an eta 14an jokatu ziren, Donostiako Anoetako miniestadioan, Gipuzkoako Txapelketak, gazteen eta masterren kategorietan. Bertara jo zuten CD Hernaniko 17 atletak, eta domina sorta ederrarekin bueltatu ziren handik.
Horrela, urrezkoa lortu zuen Jon Ander Estebanek, luzera jauzi hirukoitzean, eta zilarrezkoa luzera jauzian. Zilarrezko dominak jantzi zituen Nora Lopezek ere, altuera jauzian eta luzera jauzi hirukoitzean. Eta brontzezkoa, berriz, ondokoek: Nora Estebezek pisu jaurtiketan; Xabier Barberenak 1.500 metrotan; June Monterok 1.500 metrotan obstakuluekin; eta Naroa Vieitesek eta Naia Gomezek, brontzezko domina bana kolkoratu zuten altuera jauzian, hirugarren postuan berdinduta geratu ondoren.