Josep-Lluis Carod-Rovira Biterin, Kataluniaren askatasunari buruz

Hernanin izango da, datorren ostiralean, Josep-Lluis Carod-Rovira politikari ohia. Hernani Errotzenek antolatuta, hitzal­dia eskainiko du, arratsaldeko 19:00etan Biterin. Gazteleraz emango du, eta sarrera ire­kia izango da, aretoa bete arte.

Kataluniak bizi duen ego­e­ra izango du hizpide, eta ze­haz­­ki, bere «azkeneko gelto­kia: askatasuna», hizlariak berak aurreratu duenez.

Askatasun hori lortzeko, klabeetako batzuk emango di­tu. Horietako bat da, inde­pen­dentziak ekonomikoki supo­sa­tuko lukeena, Carod-Rovirak adierazi izan duenez: «herri­tar gehienek Kataluniaren inde­pen­dentziaren alde egiteko, be­harrezkoa da in­de­pen­den­tziak ekarriko lituz­ke­en onu­ra eko­nomikoak na­bar­mentzea».

Esquerra Republicana de Ca­talunya (ERC) alderdiko pre­si­dente izan zen Carod-Rovira, 2004tik 2008ra. Generalitateko Le­hen Kontsei­lari izendatu zu­­ten 2003an, Tri­partito ize­ne­ko koa­lizioan; eta Generalita­te­ko presidenteorde izan zen gero, 2006tik 2010era.