Urtero bezala, kartel lehiaketa jarri du martxan Hernaniko Udalak, San Joan jaietarako kartela aukeratzeko. Eta bukatzear dago prozesua, bihar baita azkeneko eguna, kartela aukeratzeko.
Aurkeztutako 11 proposamenetatik, lauk egin zuten aurrera, Jai Batzordearen aurreneko aukeraketa gaindituta; eta horien artean aukeratu behar dute herritarrek: Biteri kultur etxean, edo Hernaniko Udalaren web orrian, www.hernani.eus. Boto gehien jasotzen dituena izango da, 2019ko San Joan jaietako kartela.