cd hERNANI Berria Txapelketako final zortzirenetara sailkatu da, Ortuellako Danok Lagunak taldea 2-1 gainditu eta gero, Hernaniko kiroldegiko frontoian. Kadeteetan Xabier Apaolaza eta Unai Etxarrik 22-6 irabazi zuten. Ondoren jubenilen txanda etorri zen eta hor galdu zuten Xabier Salaberria eta Mikel Lasak 22-16. Hernanirentzat bigarren garaipena nagusien mailan iritsi zen, Paul Ojuel eta Markel Lizeagaren eskutik, 22-2.
Kadete eta nagusien mailan hernaniarrak jaun eta gabe izan ziren. Ortuellako bikote kadetea eskuetatik ez zegoen ondo, eta nagusietan ez zen kolorerik egon. Jubeniletan partidua parekatua izan zen, baina 16-15 eta gero Salaberria aurrelariak nekea nabaritu zuen eta ihes egin zien garaipenak.
Final zortzirenetan Lazkaoko Lapke taldearen aurka jokatu beharko dute maiatzaren 19an.
GRABNIn aurrera Zugasti, eta kanpora, 22 urte azpikoak
Trinketean, hernaniar pelotariek GRABNI txapelketako partiduak jokatu zituzten. Oihan Zugasti jubenilak, Gaztelekuko Huitzirekin batera, 40-24 gainditu zuen Araba, eta Gipuzkoa ordezkatuz finalerdietara sailkatu dira.
22 urtez azpikoetan, Xabat Pagola eta Endika Arizmendik 40-24 galdu zuten Arabaren aurka, eta kaleratuak izan dira.
Orokorrean ez da asteburu ona izan Hernaniko pelotarientzat. 18 partiduetatik hamaika irabazi dituzte jokatutako txapelketa ofizial eta pribatuetan. Hala ere, garaipen garrantzitsuak ere lortu dira, lehen aipatu bezala.
Antton Apezetxea, Espainiako txapeldun
Umore Onako Antton Apezetxeak beste garaipen garrantzitsu bat lortu du asteburuan. Igoarekin batera Espainiako Federaziotako txapelketako finala irabazi zuten. Beraz, Espainiako txapeldun geratu da. Fernández eta García garaitu zituzten bi setetan, Logroñoko Adarraga frontoian, aurreneko seta 10-2 eta bigarrena 10-8 emaitzarekin.