Penitzentzia mezak egin dira orain arte, eta gaurkoa, Erramu Igandea, erramuak bedeinkatzeko eguna da, Aste Santuaren atarian. Hainbat hitzordu jarri dira Urumea bailaran.
Erramua bedeinkatzen goiztiarrenak Hernaniko Agustinen komentukoak izango dira, 09:00etan. Floridako San Jose Langilean 11:00etan egin ahal izango da, eta San Joan Bataiatzailea parroki elizan, 12:00etan. Ereñotzun, berriz, 10:00etan jarri da zita San Antonio elizan.
Astigarragan, bestalde, 10:30etan egingo dira bedeinkapenak eta meza, eta Goizuetan, 11:30etan jarri dute hitzordua, eliza aurrean, erramuak bedeinkatzeko, eta 12:00etan hasiko da meza.
Asteazkenean eta ostegunean, hurregoak
Datozen hitzordu gehienek, ostegun santu egunean izango dute jarraipena, Astigarragan izan ezik; bertan, asteazkenean, 18:00etan eta 21:00etan egingo dira penitentzia mezak.
Ostegun santuan, berriz, jaunaren afariko mezak egingo dira Hernanin, Agustinetan 17:30etan, San Jose Langilean 19:30etan eta San Joan Bataiatzailean 20:00etan, eta Ereñotzun, 18:00etan. Astigarragan, berriz, 18:00etan, eta Goizuetan, 19:00etan. Penitentzia meza ere egingo da ostegunean Goizuetan, 08:00etan.
Ostiral santu egunean gurutzbideek izango dute protagonismoa, pazko igande eta astelehenera arte izango dira meza gehiago.