Joan den igandean egin zuen urteko batzarra, Ur Mia elkarteak. Aurreko urteko balantze ekonomikoa aurkeztu zuen zuzendaritza taldeak, eta baita urtean zehar antolatutako jardueren berri eman ere. Gero, kuotaren inguruan hartu zuten erabakia, beste zenbait gairen artean.
Eta batzarra egitearekin batera, zabaldu zuten izenematea, Ur Mia elkartearen urteurreneko afarirako. Maiatzaren 4an izango da, eta elkartean bertan apuntatu behar da, apirilaren 30a baino lehen.
13 bikote, mus txapelketan
Hain justu, afariaren aurretik jokatuko dituzte, Ur Mia elkarteko mus txapelketaren finalak. 13 bikotek eman dute izena, eta dagoeneko martxan dago. Astero jokatuko dituzte partidak, finaletara arte.