Makina bat lasterketatan aritu ziren korrikalari hernaniarrak, aurreko asteburuan; eta horietako bik, emaitza haundiak lortu zituzten. Gipuzkoan bertan, hasteko, garaipena lortu zuen Maitane Guerrerok, Donostiako Maratoi Erdiaren 10 kilometroko proban. 38:42 denbora egin zuen hernaniarrak, erakusten bueltan dela, onenen artean. Azkeneko esprintean irabazi zien Irene Sanzberrori (38:44), eta Naroa Sagarnari (38:51). Laugarren izan zen?Hoki Guerrero (38:56), oso gertu.
Eta urrutiago, Malagako Alhaurin herrian, Los Tajos Skyrace mendi lasterketan aritu zen Anartz Artola. Espainiako Kopari dagokion bigarren proba zen, eta bigarren postua lortu zuen, junior mailako lasterketan, Nicola Molinaren atzetik. Hernaniarrak 1:38:16 denboran osatu zituen 18,5 kilometroak, 1.200 metroko gorako desnibelarekin. Bigarren postu horrekin, bigarren dago Kopan ere.