Irunen aritu ziren Hernaniko gimnastak, aurreko larunbatean, Irunesa torneoan. Eta emaitza ederrak lortu zituzten. Garaipena lortu zuen Ainara Ruedak, eta bigarren sailkatu zen Ana Lujambio, bakarka. Podiumera igotzea lortu zuen Oihane Irazabalbeitiak ere, hirugarren, uztailarekin.
Eta taldeka, bigarren sailkatu zen, Hernani Gimnastika Taldeko jubenilen A2 taldea.
Martxoaren 31n, berriz, alebin eta infantilak aritu ziren, Ibarran, eta bikain moldatu ziren haiek ere: irabazi egin zuen alebinen taldeak. Bakarka, berriz, finalera sailkatu ziren Elene Rodriguez, Jone Aguilar, Unax Pellejero eta Maider Iriondo alebinak; eta lan ona osatu zuten Olaia Arsuaga eta Natale Esnaola infantilek.