XAGUXAR Aisialdi Taldeak udaleku irekien eta kanpaldiaren xehetasunak argitaratu ditu dagoeneko. Udaleku irekiak 4-12 urte bitartekoentzat daude zuzenduak eta bertan jolasak, eskulanak, irteerak Astigarraga eta inguruko herriak ezagutzeko egiten dituzte. Hiru txandetan egingo dira: ekainaren 24tik uztailaren 5era; uztailaren 8tik 19ra eta uztailaren 29tik abuztuaren 9ra. Prezioa txandako 70 euro da eta %20koa da beherapena emandako bi senideetako bati edo familia ugariko haur bakoitzari.
Irteera egunak 4-6 urtekoek ostegunetan eta 7-12 urtekoek astearte eta ostegunetan egingo dute, abuztuan ostegunetan bakarrik.
Izenematea kultur etxean egin behar da. Gizarte zerbitzuetatik bideratuako haurrak apirilak 29 eta 30ean eta gainontzekoak, maiatzak 2tik 9ra. Astigarragan erroldatuek lehentasuna izango dute.
Kanpaldia, Garden
12-16 urtekoentzat rafting, bisitak, tailerrak, jokoak, ginkanak, gaubelak... antolatzen dituzte. Ekainaren 26tik uztailaren 3ra Garden (Nafarroan) egingo da eta prezioa 180 euro dira. Hemen ere beherapenak daude.
Eskainitako tokiak baino izen emate gehiago baleude udaleku eta kanpaldian zozketak egingo dira maiatzaren 15ean 18:30etan eta 19:00etan kultur etxean.