Gaurtik bihar arte A-15a itxita, Zikuñaga eta Astigarraga artean

A-15a 24 orduz itxita egongo da bi noranzkoetan gaur 22:00etatik biharko 22:00etara Her­naniko Zikuñagako lotunetik Astigarragako GI-41eko lotunera arte. Foru Aldundiak gaurtik bihar instalatuko du AT sistemaren portiko berria A-15 autobidean, Astigarragan.
Bidegi foru agentziak egingo ditu muntaketa lanak eta gauzatzeko beharrezkoa izango da 24 orduz A-15eko zati bat, Hernaniko Zikuñagako lotunetik, 166,300 kilometro puntutik, Astigarragako GI-41 eta AP-8ko lotunera arte, 168,400 kilometro puntura arte, moztea bi noranzkoetan.
Astigarragako portikoak 48 metroko luzera dauka, eta autobideko bi alboetako ezpondetan eta erdibitzaileko zutabean sostengatuko da. Ziku­ñagatik (166) Astiga­rra­gako AP-8 eta GI-41 ( 169) lotunera arteko 3,2 kilometroko zatia erabiltzeagatik ka­nona erregulatu eta kobratzeko balioko du.
Martxoaren 31ean, igandean, jarri zen N-Ieko Andoain Iparraldeko edo Bazkardoko irteeran lehenengo portiko berria. Honek osatuko du N-Iean Andoainen aurretik dagoen portikoarekin batera 2,2 kilometroko zati murriztua. Bazkardoko eta Astigarragako portikoak eta hauek osatzen dituzten bi zatiak pasa den azaroaren 12an, Gipuzkoako A-15 eta N-I gaitasun handiko errepideen zatietako kanona erregulatzeko onartu zen Foru Arau berriak aurreikusten ditu. Bidegik 3,3milioi euro inbertituko ditu bi portikoak instala­tzen eta indarrean jartzen.