Lau lasterketa izango dituzte asteburu honetan, txirrindulari hernaniar eta astigartarrek, kategoria ezberdinetan.
Txikienek, alebin eta infantil mailakoek, Aizarnazabalen daukate zita gaur, arratsaldeko 16:30etan hasita.
Kadeteek, berriz, Nafarroara joko dute, Villavara, gaur bertan, Gaztetxoak Torneoko lasterketa egiteko. Eta bi multzotan ariko dira; 15:30etan abiatuko dira lehenengo urteko kadeteak, eta 17:30etan bigarren urtekoak.
Aizarnazabalen, Villavan, Zegaman eta Azpeitian ariko dira bailarako txirrindulariak, asteburu honetan.
Bihar daukate zita, aldiz, junior mailakoek. Zegamako Elkartu Nahi Saria lehiatuko dute, goizeko 10:00etan hasita.
Eta azkenik, afizionatu mailako txirrindulariek, Euskaldun Torneoko lasterketa izango dute bihar, arratsaldeko 15:30etan abiatuta. Azpeitian ariko dira, Urrakiko Igoera egiteko.
Hiru etapako itzulia Euskadirekin, Rodriguezek
Datorren astean, berriz, zita berezia izango du, Ibai Rodriguez junior hernaniarrak. Izan ere, Frantziara joango da, Val du Saone Tourrean parte hartzera. Bi etapako itzulia da, Lyon inguruan: 112 kilometroko etapa larunbatean, eta 13 kilometroko erlojupekoa eta 83ko etapa igandean.