Urtero eskaintzen du sakro musika kontzertua Hernaniko Kantuz abesbatzak, eta aurtengoa, larunbaterako, hilaren 13rako antolatu du. Oraingoan, gainera, Astigarragako Aiztondo eta Orioko Salatxo abesbatzak izango ditu lagun.
Hernaniko San Joan Bataiatzailea elizan kantatuko dute, iluntzeko 20:00etan hasita, larunbat honetan. Aurrerago Orion eta Donostian ere izango dira.
Requiem, Re minorrean
Igor Arroyok zuzenduta abestuko dute hiru abesbatzek, eta bakarlari lanetan ariko dira Jose Javier Echeverria baritonoa eta Maddalen Pradera sopranoa. Organoan, berriz, Josean Pascual ariko da. Gabriel Urbain Faure konpositorearen Re minorreko Requiema interpretatuko dute. Kasu honetan, azaldu dute ez dela obra dramatikoa, konpositorearentzat heriotza askatze zoriontsua zelako.
Ondoren, autore beraren Canique de Jean Racine, Op.11 kantatuko dute.