Ederki hasi zuen Hernaniko boleibol taldeak asteburua, ostiraleko aurreneko garaipenarekin. Kadete neskak izan ziren jokatzen aurrenekoak, orduan. Eta 3-0 (25-5, 25-14, 25-15) irabazi zioten, Donostiako Fortuna Autocares Alza taldeari.
Hasieratik jarri ziren hernaniarrak donostiarren aurretik, eta aukerarik ez zieten eman. Garaipen honi esker, bigarren postuan bukatu du liga Hernanik. Hemendik aurrera, ligaxka jokatuko dute, aurreneko lau taldeen artean.
Infantil mailakoak ere, bigarren
Garaipenetik garaipenera, larunbat eguerdian lortu zuten bigarrena, hain zuzen, infantil mailako taldearena. Tolosako Laskorain taldearen kontra jokatu zuten; hirugarren dago talde tolosarra, eta hernaniarrak, aldiz, bigarren. Hernanik irabazi beharra zeukan, postua mantentze aldera, eta garaipenak suposatzen zuelako txapela lortzeko bide erdia egina izatea.
0-2 (15-25 eta 18-25) hasi ziren irabazten, eta azkenekoan kontrarioak aurreratu arren, buelta eman zioten (24-26), 0-3 irabazteko partidua. Orain, txapela lortzeko, Summa 2 taldearen kontrako partidua irabazi beharra daukate. Azken hauek izango dute presioa; izan ere, Hernaniren kontra jokatutako guztiak galdu egin dituzte, bai Hernanin, baita Donostian ere.
Jubenilek, galdu
Jubenilek eman zioten gazitasuna, asteburuari. Zarautzen jokatu zuten, Lizardiren kontra, eta partidu gogor baten ondoren, 3-2 galdu zuten. Bina berdindu ondoren, hernaniarrek ez zuten asmatu, joko erabakigarrian maila mantentzen.