Gipuzkoako Batel Liga saririk gabe bukatu zuten hernaniarrek duela bi aste, baina buelta eman diote asteburu honetan. Pasaian izan da, Gipuzkoako Batel Txapelketan. Sailkatze-estropada jokatu zuten larunbatean, eta igandean, finalak eta kontsolazio-txandak. Azken hau jokatu zuten Hernaniko mutil infantilek, eta Federazio Saria irabazita egin zuten buelta etxera. Neska infantilak, berriz, finalean izan ziren.
Datorren asteburuan, Euskadiko Txapelketa daukate Legution, neska absolutuek.