Larunbatean pasako da Korrika Hernani eta Astigarragatik, eta azken prestaketekin dabil AEK euskaltegia.
Hernanin kilometroa erosi dutenek, bihar edo ostegunean pasa beharko dute peto bila. Arratsaldeko 15:00etatik 19:00etara izango da aukera, AEK euskaltegian (Larramendi 11, behea).
Horrez gain, igandean Korrikaren bukaera ikustera, Gasteizera joan nahi duenarentzat, autobusa antolatu dute. Txartela aurretik erosi beharko da Groseko AEKn (Irrintzi euskaltegia), 10 euroan. Autobusa 09:30etan abiatuko da Donostiatik, eta Hernanin egingo du geldialdia, Atsegindegin. Buelta, aldiz, 19:30etan egingo du; geldialdi berberak egingo ditu.
Parte hartzeko, gaur arte
Hernanin kilometroa egingo duenetako bat da Dobera-Kronika. Lekukoa nork eramango duen zozketa bidez erabakiko da, aurrez izena ematen duten Doberako bazkide, Kronikalari eta Latxeko harpidedunen artean. Gaur arte apuntatu daiteke: 943 33 08 99 telefonoan, kronika@kronika.eus-en edo albiste honetan iruzkina idatziz.