Kluben arteko Gipuzkoako Txapelketan, emakumezkoen arteko paleta argentinarreko finalak jokatuko dira gaur goizean, 10:30etan hasita, Donostiako Gaska trinketean. Aurreneko eta bigarren mailetako final bana jokatuko da.
Bertan, hiru bikote hernaniarrek hartuko dute parte. Hain zuzen, aurreneko mailan elkarren kontra aritu be-harko dute Irazustabarrena eta Arrietak alde batetik, eta Huitzi eta Araiztegik, bestetik. Iazko finalean ere elkarren kontra aritu ziren, eta aurrenekoak gailendu ziren.
Bigarren mailako finalean, berriz, hernaniarrek Ramuntxoko bikotea izango dute aurkari; Urdangarin eta Balerdi, beraz, A. Aizpuru eta L. Aizpururen kontra ariko dira.