Orain Hernani alderdiak Udal Gobernuari eskatzen dio gasoilezko kale garbigailuaren erosketaren erabakiaren inguruan hausnartu dezan, Batzordean onartutako erabaki hau baliogatzetzat jo eta pleguak berriak atera ditzan, bertan agertzen den aukera bakarra makina garbitzaile elektrikoaren erosketa izatea.
«Udalbatzan, Gobernu Taldeak kale-garbigailu elektrikoak autonomia nahikoa ez duela esan zigun. Hau ez da egia: gure taldeak aztertutako kale-garbigailu guztiek 8-10 orduko autonomia dute, nahikoa lan jardunaldi batentzat. Hau berretsi egin dugu ibilgailu elektrikoak dituzten gertuko udalerriekin».
Hernanik dituen garbiketa beharrak ez direla betetzen argudiatu zuen Udal Gobernuak. «Ulertzen dugu gure herriko beharrak ez badira betetzen, makina nahikoak ez daudelako dela, ez elektrikoak direlako edo ez. Kale-garbigailu gehiago erosi behar badira pentsatu beharra dago erostea, Hernaniren hazkuntza dela eta».
Ibilgailu elektrikoek, «gas toxikoak ez igortzeaz aparte, ez dute hainbesteko soinurik sortzen, abantaila garrantzitsua dena ez soilik herritarrentzat, hauek gidatzen dituzten langileentzat ere» dio OHk.
«Elektoralista urteetan onartutako proiektuak azken aldian egitea da»
Eta azkenik, «haien ezezko botoa justifikatzeko, EH Bilduk ?elektoralistak? izatea aurpegiratu ziguten, azken aldian ohikoa izaten ari dena oposizioak proposamenak egiten dituen bakoitzean. Ildo beretik, gogoratu nahi diogu EH Bilduri elektoralistagoa dela urteetan zehar onartutako proiektuak kaxa batean lotan uztea, eta hauteskundeak baino bi hilabete lehenago denak egiten saiatzea. Eta adibideak dauzkagu: Sagastialdeko obrak, herriko garbitasuna, lorategietako mantentze-lanak, eskailera eta espaloien zuritzea, Kaxkoko konponketak...».
Orain Hernanitik «herri bizigarri, adeitsu eta kutsadura gutxiagoko herri bat lortzeko konpromezuarekin jarraituko dugu».