iritsi da Astigarragako Harituz Elkartearen egun haundia. Larunbatean estreinatuko dute ofizialki Hilos de sororidad, elkartearen eta indarkeria sexistaren kontrako matazen ibilbidea kontatzen duen dokumentala.
Apirilaren 10ean eskainiko dute bigarrenez, debalde.
Donostiako XVII. Giza Eskubideen Zinemaldiaren programaren barruan izango da, arratsaldeko 19:00etan, Victoria Eugenia antzokian. Sarrera 4,5 euroan eskuratu ahal izango da bertan edo, aurretik, internet bidez: www.zinemaetagizaeskubideak.eus.
Apirilaren 10ean eskainiko dute bigarren saioa, 19:30etan, Principalen. Bigarren hau debalde izango da.
Harituz elkarteko kideak, protagonista
Harituz Elkarteko kideek sortu zuten Astigarragan indarkeria sexistaren aurkako matazen ekimena 2014an. Ordutik izan dituzten topaketak, pasadizoak, ekintzak... kontatzen ditu dokumentalak beren protagonisten eskutik.
Egun 6 kilometroko bufanda egiteko, era guztietako ehundaka eta ehundaka emakume batu dira proiektura. Eta halaxe bihurtu da ahizpatasunaren ikur.