hik Hasi Aldizkariak eta Kurkuluxetan Kultur Elkarteak antolatuta, Emakume FARC-kideak: inoiz gehiago ez ilunpean hitzaldia izango da gaur Urumea Herri Gunean. Kolonbiako sei lagunen lekuak entzun ahal izango dira bertan, arratsaldeko 19:00etan hasita.
Formazio eta informazio bila, Euskal Herrira
Antolatzaileek azaldu dutenez, «orain dela bi urte baino gehiago Kolonbiako gobernuaren eta FARC-EPren arteko Azken Hitzarmena sinatu zenetik, hainbat urrats eman dira arlo ezberdinetan, eta horietako bat da hezkuntza».
Arlo honetan, 0 eta 6 urte bitartean somatu dute hutsune haundiena, eta horretan sakontzeko etorri dira Euskal Herrira, «formazioa eta informazioa jasotzera, gero beraien komunitatean garatzeko». Esperientzia pilotu gisa egingo dute, ondoren, Kolonbiako 26 zonaldetara zabaltzeko asmoarekin.
Sei kolonbiar
Helburu horrekin bertaratu dira sei kolonbiar, horien artean, FARC-eko hiru gerrillari ohi.
Haiekin batera, ekimen honen berri edukitzeko aukera izango da gaur, baita Kolonbiaren egungo egoeran, eta bi Herrien arteko harremanean eta loturan sakontzeko aukera izango da solasaldi honetan.