Asteburu gazi-gozoa izan zuten Hernani Eskubaloi Taldeko neska-mutilek. Sei partidutatik, bakarra irabazi zuten, lau galdu eta azkena berdindu egin zuten.
Infantil mutilen partiduetako bat izan zen irabazitakoa, HET Sorlan eta Bergararen artekoa (27-22). Bestea, aldiz, galdu egin zuten, 26-39 geratu zen HET Zintzarri Bidasoa B-ren aurka, bai defentsan baita erasoan ere, partidu ona egin ondoren.
Talderik gazteenak, HET Sesa Tools-ek ere, galdu egin zuen 12-26 Aloñamendiren kontra. Dena den, entrenatzailea pozik geratu zen.
Kadeteetan, mutilek 14-22 galdu zuten BM Coneten kontra. Partidu lehiatua eta gogorra izan zuten, ordea, HET Alaiako neskek, 34-34 bukatu zuten Aloñamendiren kontra, baina bukaerara arte mantendu zuten irabazteko grina.
Jubenil mailan, HET Anexok ez zuen irabaztea lortu. 22-37 egin zuen teknikoki hobea izan zen Tolosaren aurka.