«Erritmo bizia eta aldakorra» Musika Bandak, larunbatean

Udaletxeko arkupeekin bes­te zita bat jarri du Hernaniko Musika Bandak larunbatera­ko. Arratsaldeko 19:00etan ha­si­ta eskainiko dute kontzertua ber­tan. Oraingo honetan, gaine­ra, ez dira bakarrik egongo, Taupa perkusio-talde gaztea ere ha­iekin batera arituko baita. Jorge Pachecok egingo ditu zu­zendari-lanak bi taldeekin.

Erritmoa, protagonista

Musika Bandatik adierazi dute erritmoa izango dela kontzertu honetako protagonista, «errit­mo bizia eta aldakorra». Ho­rre­kin batera, «melodia eta armo­nia zoragarriak» entzun ahal izan­go dira; musika-estilo guz­tiz desberdinak entzun ahal izango dira: melodia brasilda­rrak, irlandarrak, edota ma­rraz­ki bizidunen, big-banden eta musika-klasikoaren arteko esperimentua.