Antzerki Zikloa izango da Biterin, gaur, bihar eta etzi. Tartean teatroaren Ghero. Azken euskalduna atzezlanak irekiko du zikloa gaur, arratsaldeko 20:00etan hasita, Biteri kultur etxean. Espacio disponible aurkeztuko du bihar Perigallo teatroak, eta Erlauntza etzi, Vaivenek.
Euskaltzaindiaren mendeurrenaren bueltan
Euskaltzaindiarekin batera ekoitzi du Tarteak teatroak Ghero, Akademiaren mendeurrenaren bueltan. Hori horrela, euskera da antzezlanaren ardatza; baina dozena bat hizkuntza berri entzun ahal izango dira bertan.
Patxo Telleriak idatzi du dramaturgia eta Jokin Oregik zuzendu du. Bost aktore ikusi ahal izango dira oholtza gainean: Ane Pikaza, Olatz Ganboa, Iñaki Maruri, Mikel Martinez eta Patxo Telleria.
Sarrerak oraindik, salgai
Hiru saiotatik bakarrak saldu ditu sarrera guztiak, osteguneko Erlauntzak. Gaurko saiorako eta biharkorako, aldiz, oraindik erosi daitezke, Biteriko sarreran.