Tilos 7 Pasa txapelketa herrikoiaren atzoko hasierarekin batera, aurreneko pelotakada eman du gaur Kronikaren asmo berriak.
Izan ere, urte hasierako aldaketaren ondoren, -Kronikaren aleak bateratu ziren-, beste bat egin du Kronikak: 8 orrialdeko alea argitaratuko du, hemendik aurrera, asteartero.
Urrats honen helburua da Urumea bailarako kirolei eta taldeei tartea eskaintzea. Makina bat kirol egiten dituzte herritarrek Urumea bailaran zehar, eta horiek presentzia haundiagoa izango dute Kronikan, hemendik aurrera.
Horrez gain, astelehenero argitaratzen zen kirol tabla ere txukunago aurkeztuko da.
Ikasleen eta Euskaltegien Txokoarekin, dagokionean
Horrek beste aldaketa bat ere ekarriko du. Noizean behin, Hernaniko Udalaren babesarekin, ostegunetan argitaratzen ziren Ikasle eta Euskaltegien Txokoak astearteetan aterako dira, aurrerantzean. Gaurkoan izango da aurrenekoa, Hernani BHIko batxilergoko ikasleena.