Jaime Romero Espainiako txapeldun, eta Telmo Semperena bigarren

Errepidean zein pistan aritu dira asteburuan, txirrindulari astigartar eta hernaniarrak; eta bereziki bigarrenean lortu di­tuzte emaitza nabarmenak.
Valentzian aritu ziren Jaime Romero eta Telmo Semperena jubenil astigartarrak, Espai­nia­ko Koparen hirugarren jardunaldian. Larunbatean, hirugarren izan zen Semperena, tem­po eta eliminazio probetan. Eta igandean, madison proba egin zuten, Espainiako Txapelketa ere bazena: garaipena lortu zuen Romerok, Asier Pozorekin batera; eta bigarren izan zen Sem­pe­rena, Markel Rodriguezekin. Horre­kin, gainera, Espainiako Kopako bi­ga­rren postua lortu zuen Sem­perenak, Valentzian.
Errepidean, hiru zita izan zi­tuzten. Loiolan aritu ziren txiki­enak. Alebinetan, 13garren izan zen Aimar Capdequi astigartarra, eta 24garren Unax Goi­ko­e­txea hernaniarra.?Eta infantile­tan, bigarren izan zen Intza Na­­varro hernaniarra, eta 17ga­rren Tasio Semperena astigartarra.
Kadeteek Antzuolan zeukaten zita, Uzarragako Igoe­ra­re­kin, eta 8garren sailkatu zen Enekoitz Azparren astigartarra.
Eta 23 urtez azpikoetan, Gorlara Igoeran parte hartu zuen Urko Semperenak, Berga­ran. Bu­­katzea lortu zuen, aurre­neko igoeran atzean geratu arren.