Konfiantza hartzeko garaipena, Euskal Ligan

Lasaitasuna eta konfiantza emango dizkion garaipena lor­tu zuen Hernanik, larunbatean, Emakumez­koen Euskal Ligan. Mariño azkeneko sailkatua hartu zuen Zubipen, eta irabazi beharreko partidua, 3-0 irabazi zuten. Laugarren minutuan egin zuen aurreneko gola?June Elizaldek, aurrenekoa denboraldi honetan, eta asko ospatu zuten horregatik. Aurretik egon arren, ordea, ez zuen bigarren zatira arte jokatu lasai, Her­na­nik, Maitane Peciñak bigarrena sartu zuenean. Leire Iña­rrak borobildu zuen partidua, hirugarrena sartuta.
Ez zen hain ondo joan partidua, Ohorezko Erregionaleko mutilentzat (1-3), Mondragonen kontra. Bi taldeek ezer jokoan ez, eta intentsitate haundirik gabeko partidua izan zen. Her­nani baloiaren jabe izan arren, Mondragon aurreratu zen, atse­­denaren aurretik. Biga­rren za­ti­an haunditu zuen intentsitatea Hernanik, eta 55ean berdin­du; baina partiduaren bila joan zenean, bi akats egin, eta bi gol jaso zituen Hernanik.

Mundarro nagusi, derbian
Erregional Preferenteetan, der­bia jokatu zuten Hernanik eta Mundarrok, eta astigartarrak nagusitu ziren (0-2), hirugarren garaipena lortzeko segidan. Her­nanik ekin zion hobeto, baina Mundarrok partidua lasaitu, or­denatu, eta ordu laurdenerako egin zuen gola Iñakik. Her­na­nik asko estutu zuen gero, bai­ta bigarren zatian ere, baina Mundarroko Iñurrik egin zuen bigarren gola, 65ean. Estutzen jarraitu zuten hernaniarrek, baina sufritzen jakin zuen Mun­darrok, eusteko.