Beste garaipen bat, gorenean jarraitzeko

Neska kadeteek atseden har­tu­ta, boleiboleko jubenil eta infantilek jo­katu dute asteburuan, eta biek lortu dute garaipena. Jube­ni­len kasuan, aurrenekoa dute Gi­puz­koako Ligan, estreinako parti­dua galdu ondoren. 3-2 nagu­situ ziren, Arantzazuko Ama taldearen kontra (22-25, 25-16, 25-16, 25-27, eta 16-14).
Partidu gehiago jokatu di­tuzte neska infantilek, dagoe­neko. Eta aurreneko zortzie­ta­tik zazpi irabazi ondoren, be­rriro irabazi zuten Aldapetan, larunbatean, Summa 1 taldea­ren kontra (21-25, 17-25 eta 19-25). Horrela, sailkapeneko biga­rren postuan daude, liderra puntu bakarrera dutela; partidu bat gutxiago jokatu dute, gainera. Bizi-bizirik daude, beraz, hel­burua lortzeko: iaz lortutako txa­pela errepikatzea.
DBH 1 eta 2ko hamar nes­kak osatzen dute taldea; ba­tzuk iaz txapeldun izandakoak, be­rriak besteak. Tartean, Ve­ne­zue­la eta Nikaraguako neska ba­na: «pri­meran sartu dira taldean, eta ikusi dugu, integraziorako ba­liabide ere badela kirola». Jo­ko maila hobetu nahi du tal­deak, azkeneko sei partiduetan.

Argazkian, neska infantilen taldea: Larraitz Lujanbio (2), Ainhoa Garin (1), Ainhitze Oyarbide kapitaina (5), Araitz San Emeterio (3), Naroa Galarza (14), Camila Araque (6), Debbie Galo bigarren kapitaina (9), Nahia Elosegi (4), Irati Ziganda (8), eta Nora Arcelus (10).