Astero bezala, joan den asteazkenean ere elkartu ziren, zitari hutsik egin gabe, Ttapa-Ttapa egitasmoko partehartzaileak. Baina zita berezia zuten aste honetakoa: udaberriari ongietorria emateko asmoz, sagardotegira egin zuten bisita, beste urte batez. Eta oraingoan, Akarregi sagardotegira gerturatu ziren.
148 lagun elkartu ziren bertan, eguraldi ona aprobetxatuz. Oinez joan ziren gehienak, 80 lagun, asteroko bueltaxka sagardotegira eginez, oraingoan. Eta aldiz, mugikortasun arazoak dituztenek, eta Akarregi bailararainoko bidea luze egingo zitzaienek, tren berdean egin zuten ibilbidea. 48 lagun joan ziren trenean.
Behin sagardotegian, mokadu bat hartu zuten, eta lagunartean ondo pasatzeko aprobetxatu. Izan ere, ariketa fisikoa eta lagunartea uztartzea du helburu Ttapa-Ttapa egitasmoak; bereziki, adineko herritarren artean.