Bake Epailearen eta haren ordezkoaren postuak hutsik geratu dira Aranon; hori horrela, deialdi publikora atera du Udalak, berriro ere. Hala ezartzen baitu Botere Judizialaren Lege Organikoaren 101. artikuluak eta Bake Epaileen 1995eko 3. zenbakidun Erreglamentuaren 5. artikuluak.
Eskaerak, udaletxean
Hortaz, Bake Epaile izateko hautatua izan nahi duenak apirilaren 11ra arteko epea izanen du eskaera egiteko. Eguerdiko 12:00ak arte izanen da aukera, Aranoko udaletxean.
Hain zuzen, iragarkia Nafarroako Aldizkari Ofizialean argitaratu eta biharamunetik kontatzen hasita 15 eguneko epea emanen da.
Aurkeztu ahal izateko, aurretik aipatutako Lege eta araudiak agintzen diren baldintzak bete behar ditu herritarrak.