Harituz elkarteak biolentzia sexistaren aurka egiteko sortutako Matazak indarkeria sexistaren aurka proiektuaren inguruko istorioa kontatzen du Hilos de Sororidad dokumentalak, eta apirilaren 6an estreinatuko da, Donostiako XVII. Giza Eskubideen Zinemaldiaren barruan. Arratsaldeko 19:00etan ikusi ahal izango da, Victoria Eugenian, 4,5 euroan.
Ondoren, berriro jarriko dute apirilaren 10ean, 19:30etan Principalen, doan.
Ahizpatasunaren sinbolo, 6 kilometrotako bufanda
Matazak proiektua 2014an sortu zen Astigarragan, eta ordutik, Euskal Herrian eta munduan barrena ibili da emakumeenganako indarkeriaren kontra gizartea sentsibilizatzea helburua duen bufanda. Horixe baita proiektuaren helburua: «mataza osatzen duen zati bakoitza hutsune bat da, izen bat, lapurtutako bizitza bat, nahiko da! dioen ohiu bat», azaltzen du Harituzek.
Hori guztia kontatzeko hel-buruarekin egin du Eneko Olasagasti zuzendariak Hilos de Sororidad dokumentala. 2018an jarri zuen martxan Harituz elkarteak crowdfunding kanpaina, dokumentala egiteko dirua biltzeko. Ordurako, 4.800 metroko bufandan zuten josia, eta gaur egun, 6 kilometrotik gora ditu.