Musika, tailer eta festa gaur, Korrika Kulturalean

Gertu dago Korrika: apirilaren 12tik 13ra bitarteko gauean iri­tsiko da Korrika As­ti­garragako kaleetara, eta motorrak berozeko, Korrika Kulturaleko festa egingo da gaur egun osoan, Joseba Barandiaran plazan. 

Bestalde, Korrika pasako den gauean kantu-afaria egingo da, eta txartelak salgai daude, apirilaren 5era arte.

Festa gaur, Joseba Barandiaran plana

Eguna gaur 11:00etan  hasiko da, Joseba Barandiaran plazan. Batetik, Korrikako arroparekin postua jarriko da, eta bestetik, Xaguxar Aisialdi Tal­de­ak Ko­rri­karako murala egingo du, parte hartu nahi duten ume­ekin.

Gero, 12:00etatik 12:45e­­tara Klika! abestiaren dantza tailerra egin ahal izango da Mun­da­rro­re­kin, eta 13:00ean plaza dan­tzak egingo dira Astigarrekin.

Arratsaldean, 17:00etan ja­rrai­tuko du festak: Korrikako arropa postua jarriko da berriro. Segidan, 18:00etan, Aiz­ton­do abesbatzak girotuko du pla­za, eta 19:00etan, Astigarra­ga­ko Gazte Asanbladarekin egingo den poteo alaiak borobilduko du eguna.

Apirileko 12ko kantu-afarirako txartelak, apirilaren 5era arte

Bestalde, Korrika iritsiko den gauean itxaronaldia goxatzeko, kantu-afaria egingo da Joseba Ba­ran­diaran plazan apirilaren 12an. Hain zuzen, 01:02 aldean iritsiko dela aurreikusten da, Oiartzundik barrena, eta Hernanira jarraituko du, 01:24etarako.

Hori horrela, Joseba Ba­ran­diaran plazan egingo da afaria, eta Xabi Urdangarin eta Ibon Ota­egi ariko dira gaua gi­ro­­tzen. Afarita­ra­ko bi aukera izan­go dira: me­nu arrunta edo­ta me­nu beganoa. Hel­du­en­tza­ko me­nuak 26 euro balio ditu, eta umeen­tzakoak, 15 euro.

Izena apirilaren 5era arte eman ahal izango da, Zipo­tzan, Ikatzan edota AEK euskaltegian.