Korrika kulturalarekin lotutako jaia izango da gaur Gaztelekuan, eta henna tailerra bihar, martxoko egitarauarekin bukatzeko. Apirilekoa ere prestatu dute dagoeneko, eta Aste Santuko oporraldiak medio, ohiko egutegia aldatu egingo da zertxobait. Horrela, hilaren 15, 16 eta 17an, astelehenetik asteazkenera, ireki egingo da eta ekintza bereziak egingo dira, eta baita 23, 24, 25 eta 26an ere. Baina apirilaren 18tik 22ra itxi egingo da.
Irteerak eta ekintza bereziak, opor egunetan
Ohi bezala, astebururo ekintza bereziak egingo dira, eta asteartetik ostiralera ireki egingo da Gaztelekua. Dena den, Aste Santuko oporretako bi asteetan, aldatu egingo da ohiko ordutegia.
Apirilaren 15, 16 eta 17an, esaterako, irekita egongo da, eta jolas librea, krepak egiteko sukaldaritza tailerra eta Uliara irteera prestatu dira. Gauza bera gertatuko da hurrengo astean: hilaren 22a itxita egongo da, baina 23tik 28ra ireki egingo da, eta hainbat ekintza berezi egin ahal izango dira; tartean, hilaren 24an, Irrisarrilandera irteera.
Dena den, hilaren 18tik 22rako tartean, asteburua barne, itxita egongo da lokala.
Logo berria prestatzen
Bestalde, Gaztelekuko logo berria aukeratzeko prozesuak aurrera jarraitzen du. Dagoeneko bukatu da hiru proposamenetako bat aukeratzeko epea, eta orain, proposamenak egiteko epea ireki da; biharkoa izango da horretarako azken eguna.
Proposamenetako batek 16 boto jaso ditu; beste batek, 26, eta boto gehien jaso dituenak, 82 jaso ditu. Hori kontuan izanda, eta proposatutako aldaketak eginda, Behin betiko logoa apirilean aurkeztuko da.
APIRILEKO AGENDA
6, Sukaldaritza.
7, Argazki lehiaketa.
13, Euskal karaokea.
14, Tailerra.
15, Jolas librea.
16, Sukaldaritza: krep gazi-gozoak.
17, Irteera, Uliara
23, Ping-pong txapelketa ikastolako patioan.
24, Irteera, Irrisarriland-era.
25, Afaria eta pelikula.
26, Jolas librea.
27, Ginkana.
28, Tailerra: zuku potea.
ORDUTEGIA
Astelehenetan, itxita, 15a izan ezik, eta apirilaren 18tik 22ra, Aste Santua dela-eta, itxita.
Asteartetik ostegunera, eta igandetan: 17:00-20:00.
Ostirala eta larunbata: 16:30-20:30.