Apirilari festa giroan emango diote hasiera herrian, Astiarrako lagunak taldeak antolatutako Elkartasun Topa egunean. Apirilaren 7rako jarri du hitzordua euskal preso eta iheslarien aldeko taldeak: eguerdiko 13:00ean Zipotzan elkartuko dira, elkartasun topa egiteko. Hortik aurrera, egun osoan zehar luzatuko den egitarauarekin gozatu ahal izango da.
Topa egin ondoren kalejira abiatuko da 14:00etan, eta elkartasun bazkaria 14:30etan egingo da. Arratsaldean ere segi ahal izango da giro onean, DJ Jotatxok jarritako musikak lagunduta.
Txartelak salgai, haur eta helduentzat
Bazkarirako txartelak salgai daude dagoeneko Zipotza elkartean.
Prezioa desberdina da haur nahiz helduentzat: 10 euro dira aurrenekoen kasuan, eta 20 euro bigarrengoen kasuan.