Ikaragarrizko lana egiten ari da Mundarro denboraldi honetan, eta tinko eusten ari da sailkapeneko hirugarren postuan. Hori indartu, eta bigarren sailkatua harrapatzeko borrokatzeko prest dago orain. Bost jardunaldi geratzen dira Liga bukatzeko, eta ez du aukerarik pasatzen utziko. Bide horretan, biharkoa izango du aurreneko erronka: Hernaniren kontrako derbian neurtu beharko ditu indarrak, 18:30etan Zubipen.
Azken bost partiduetatik lau galduta iritsiko dira arerioak, azkenekoa barne, eta astigartarrak, berriz, azken bietan garaipena lortuta, eta aurrekoak berdinduta. Hori horrela, gauzak ondo ateraz gero, hiru puntuekin etxeratzeko aukera izan dezake Mundarrok, eta bigarren dagoen Touring harrapatzeko puntuan jartzekoa.