Hauteskundeetarako mahai-kideak izendatu dituzte, azken Plenoan

Otsaileko Plenoaren faltan, pasa den ostegunean egin zen urteko bigarren Plenoa, Uda­lean. Urtarrileko akta onartuta, apirilaren 28ko hauteskundeetarako mahai-kideeak izen­datzeko zozketa egin zuten; las­ter jasoko dute abisua, ma­haian egotea egokitu zaienek. Bakoitzeko, lehendakaria eta lehenengo eta bigarren bokalak izendatu ziren, eta postu bakoitzeko bina ordezko.
Segidan, aho batez onartu ziren hainbat puntu, EH Bildu eta EAJko zinegotzi guztien aldeko botoekin: 2017-2019ko diru-laguntzen plan estrategikoan aldaketa bat egitea, landalurreko bide eta lursailen udal-inbentarioan herri-bide berri baten fitxa onartzea, Uda­leko lanpostuen zerrendaren eta plantila organikoaren zati bat aldatzea udaltzain pos­tu bat hutsik geratu delako eta beste bat eszedentzian da­goelako, eta Ubarburuko za­bal­penaren inguruko auzi-erreku­rtsoarekin jarraitzea. 
Beste gai batzuk ere onartu ziren aho batez, zinegotzien arteko desadostasunak agertu baziren ere.

Beterri-Buruntzako garapen mankomunitatearekin eta Berdintasuneko Gutunarekin, aurrera
Aho batez onartu ziren puntuen artean, adostu zen Be­terri-Buruntza eskualdeko to­kiko ga­ra­pen ekonomiko eta so­zia­le­rako mankomunitatearen so­rreran «aktiboki parte hartzea». Zorione Etxezarraga alkateak adierazi zuenez, «As­ti­ga­rragak sorreran parte har­tu du», eta nahiz eta «aurrekontuei dagokienean udalerri bat baden momentu honetan parte hartu ezin duena, ho­rrek ez du bidea ixten etorkizunerako. Beraz, mankomunitatearen egi­tura legealdi bukaerarako mar­txan jartzea» espero da. Andoni Gar­tzia EH Bilduko bozeramaileak adierazi zuen «izendapenekin ados ez egon arren» aldeko botoa emango zut­­ela. «Astiga­rra­gako alderdi boz­­katuenari ordezkaritza ukatu zaio».
Bestalde, aho batez onartu zen baita ere Berdintasuneko Europako Gutuna sinatzea. Ra­mon Aranzasti, berdintasun arloko zinegotziak azaldu zu­en «eskumenak ikusarazi eta berdintasunaren aldeko ekintzak babestea» dela gutunaren helburua. Aldeko botoa eman arren, EH Bildutik Andoni Gar­tziak adierazi zuen «sareetan atxikitzeko ohitura» dagoela, baina ekintzetan «hankamotz» geratzen dela Udala. «Mo­­zioak onartu eta gero ez da ezer egiten; emakumeen bi­ografiekin plakak jartzea onartu zen orain 3 urte eta ez da ezer egin. Atxikituko gara, baina ez dadila horretan geratu».

Udala urdinez argiztatuko da apirilaren 2an, Autismoaren Munduko Egunean.

Garraio publikoak, eztabaida
EH Bilduk mozioa aurkeztu zuen autobus garraio publikoan murrizketarik ez aplikatzeko (www.kronika.eus webgunean ikusgai), eta EH Bilduren aldeko 6 botoak eta EAJren kontrako 6 jaso zituen; beraz, alkatearen kalitateazko botoarekin, baztertu egin zen.
Eztabaida izan zen, EH Bil­du­ren ustez «akatsa» delako mozioa ez onartzea. Gartziak azaldu zuen herritarren inkestetako emaitzak kontuan hartuta, eskatzen diotela Diputa­zio­ari eta Batzar Nagusiei autobus zerbitzuan murrizketarik ez aplikatzeko eta ospitaletako linea kontenplatzeko. Nerea Zusberro zinegotziak erantzun zion «udal gobernu talde honek behin eta berriz eskatu duela Astiga­rra­gako zerbitzua bere horretan uztea eta herritarren inkestak kontuan hartuta, ospitale eta unibertsitateetarako linea jar­tzea». Beraz, mozioko puntu ba­tzuk martxan daudelako eta beste bat Udalaren eskumena ez delako, kontra bozkatu zuten; «berresten dugu PSEk azaroan aurkeztutako mozioa». Alkateak gehitu zuen «elkarlanean» ari direla Mugikortasun Sailarekin eta ez dutela erakundeen arteko liskarretan sartu nahi. «Zer gertatzen den ikusi, eta herria kaltetuz gero, tribunaletara joko dugu, behar bada».

Autismoaren egunean, argia
Plenora eraman zen EH Bil­duren beste mozio bat ere, Martxoaren 8ko greba feminista babesteko, baina dagoeneko zentzurik ez zuelako bozkatu gabe geratu zen. Alkateak azaldu zuen aurkeztu eta hiru hilabeteko epean Plenora eraman behar direla mozioak, eta An­doni Gartzia kexu azaldu zen Berdintasun Batzordean bozkatu gabe geratu zelako eta otsailean Plenorik egin ez zelako.
Bukatzeko, aho batez onartu zen herritar baten mozioa, A­u­tismoaren Munduko Egu­ne­an udaletxea urdinez argiztatzeko eskatzen duena. Apiri­la­ren 2a da Autismoaren Mun­du­ko Egu­na, eta Gautenak bat egin du LIUB kanpainarekin; Udala ur­dinez argiztatuko da as­tear­te­an, eta herritarrei es­ka­tzen zaie argazkiak egin eta Gau­tenako sare sozialekin partekatzeko.
Azkenik, galdera eta erreguetan, EH Bilduk informazioa eskatu zuen Haurreskola, DBH, Ergobiako zubia, Anuskako iris­­garritasuna eta bete hainbat konturen inguruan. Azal­penak eman zituen Zorione Etxezarraga alkateak, eta gai ba­tzuk datorren asteko Hi­ri­gin­tza Batzordean landuko direla argitu zuen.