Berriak elkarteak kanpaina berri bat jarri du martxan, datorren hilabeterako, bertako merkataritza bultzatzeko asmoz; eta oraingoan, zozketa bat egingo dute: 500 euroko bi txartel zozketatuko dituzte, apirilean zehar Hernani Txartelarekin ordaintzen diren erosketa guztien artean. Hortaz, zenbat eta erosketa gehiago ordaindu Hernani Txartelarekin, orduan eta aukera gehiago izango dituzte bezeroek. Maiatzean jakinaraziko dute, zein diren bi txartelen irabazleak.
Hiru hilabete, gastatzeko
Sarituek, hiru hilabeteko epea izango dute, txarteleko 500 euroak gastatzeko. Hori bai, soilik erabili ahal izango da, Kanpainan parte hartzen duten dendetan, Berriak Elkarteak azaldu duenez.