Ioritz Arrieta hernaniarrak Espainaiko Txapelketako azken fasera sailkatu da eta finalerdiak jokatuko ditu datorren apirilaren 5ean. Iscar (Valladolid) herrian profesional izandako Alberto Ongay nafarra izango du aurkari. Errioxako San Cosme klubarekin ari da jokatzen hernaniar pelotaria txapelketa garrantzitsu honetan. sailkapena asteburuan lortu zuen Astiz pelotari nafarrari 2-0 (10-3, 10-1) irabazi eta gero.
Udaberri Torneoko finala galdu, Uitzi eta Albenizek
Udaberri Torneoan C.D. Hernaniko Unax Uitzi eta Unai Albeniz bikoteak 22-5 galdu zuten finala txapelketa pribatu honetan. Ilunpeko Egiguren eta Labaka izan dira txapeldunak eta nahiz eta hernaniar bikoteak gaizki ez jokatu, tanto guztiak bikote azpeitiarraren alde erortzen ziren. Hernaniko pelotariek jokatzen duten hamargarren finala da aurten.
Bestetik, Gipuzkoako Txapelketan, infantiletan, Auritz Txintxurreta eta Aiur Elizazuk 18-4 galdu zuten Aloña Mendiko bikotearen aurka finalerdietan. Astean zehar bikote hernaniarrak lesio arazoak izan zituzten.