Une zailenetan, hazi egiten den horietakoa

Jaitsiera postuak gertu, par­tidu zailak aurretik, presioa... Eta guztiarekin, hazita zelai­ra­tu zen atzo Hernani, entrena­menduetan lan ona egin due­na­ren konfiantzarekin. Baita erakutsi ere. Alcobendas hiru­ga­rren sailkatua baino gehia­go izan ziren trikoloreak Lan­daren, eta 15-14 nagusitu ziren azkenean, lau puntu oso ga­rran­tzitsu lortzeko.

Izan ere, irabazi egin zuen La Vilak ere, Independienteren kontra, orain puntu bakarrera jartzeko; eta berdindu Gerni­kak, Quesosen zelaian, zortzi puntura geratzeko. Baina bes­te bi talde sartu dira borroka horretan: Hernanik baino pun­tu bat gehiago dauka Cisne­ro­sek, eta bost puntu gehiago In­dependientek, trikoloreen hu­rrengo kontrarioak.

Zigor kolpe batekin, goiz ja­rri zuen markagailua lanean, Anartz Elosegik, baina entsaio batekin erantzun zuen Alco­bendasek, Xabier Gar­men­dia­ren txartel horia apro­be­txa­tu­ta. 

Alcobendasen joko zikina, Hernanik aprobetxatu

Hernaniko kaleratu baka­rra izan zen Garmendia, eta aldiz, ma­­dril­da­rrek lau txartel hori ikusi zi­tuzten; gehienak, joko zikina­ egiteagatik. Horietako batean lortu zuen aurreneko entsaioa Diego Levinek, maul klasikoa­rekin hasi zen jokaldi batean. Baina hamar minu­tu­ra eran­tzun zuen Alcoben­dasek (10-14). Eta horrela joan ziren atse­de­naldira, nahiz eta beste maul batetik abiatuta, bi me­tro ex­ka­­xera izan zuen bi­ga­rren en­tsaioa, Igor Etxe­be­rriak. Zigor kolpe bat ere izan zuen Elose­gik, baina langaren azpitik pasa zuen baloia, gutxigatik.

Bigarren zatian erakutsi zuen nagusitasuna Hernanik, eta joko zikina Alcobendasek. Hasi eta berehala, bi madril­dar kaleratu zituen epaileak, eta kostata, baina aprobetxatu zu­ten abantaila, trikoloreek. Igor Genuaren korrikaldi eder bati, baloia ondo mugituz eman zio­ten segida, eta azkenean, Ge­nu­aren beraren pase bat bo­ro­bildu zuen Elosegik (15-14). Ezin izan zuen transformazioa gau­zatu, ordea, eta ezta gero zu­toinera bidali zuen zigor kolpe bat ere. Baina estuasun une­ren bat libratu ondoren, azken minu­tuak zelai erdian joka­tzea lortu zuen Hernanik. Zelai erditik saiatu zen zigor kolpea gau­za­tzen, azken unean, Alco­bendas; baina huts egin zuen, zaleen gozamenerako.