Aurreko larunbatean egin zuen urteko batzarra Umore Ona elkarteak. Denera sei puntu jarri zituzten mahai-gainean eta denak onartu zituzten aho batez.
Aurreko urteko akta, 2018ko txosten ekonomikoa eta balantzea, eta 2019ko aurrekontua onartuta, Zuzendaritza berria onartu zuten. Horren arabera, bost kide berri izanen ditu komisioak: Jesus Mari Apezetxea izanen da lehendakari-ordea; Pili Untxalo, erosketa-arduraduna; Fermin Narbarte diru-zaina; eta Eli Apezetxea eta Xabier Etxegia bokalak.
Hiru gazteen sarrerarekin, une honetan 246 bazkide ditu Umore Ona elkarteak.
Horrez gain, hiru kide berriren sarrera ere onartu zuten. Hiruak dira «gazteak, eta bi emakumeak»; honek elkartea «aberastu» egiten duela azaldu dute, «gazte eta emakume izateagatik». Hori horrela, une honetan 246 bazkide ditu Umore Ona elkarteak.