Badator 21garren Korrika ere, eta motorrak berotzen hasiak dira Hernanin. Hala adierazi du Hernaniko AEK euskaltegiak: gaur arropa saltzeko postua jarriko du, eta laster Korrika Kulturaleko aurreneko emanaldiekin hasiko da.
Postua, eguerdian
Aurtengo Korrikako arropa salduko da gaur, Kale Nagusian jarriko den postuan. Eguerdiko 12:00etatik 14:00etara izango da bertara gerturatzeko aukera, Kixkal tabernaren ondoan.
Arropa erosteaz gain, Korrika laguntzeko moduak ere izango dira.
Euskal poetak andre eta jabe, ostegunean
Korrika kulturaleko aurreneko emanaldiak antolatzen ere hasiak dira.
Horrela, datorren ostegunean, hilak 28, Euskal poetak, andre eta jabe emanaldia izango da Biterin, 20:00etan. Prezioa 5 eurokoa izango da; Korrika laguntzaileentzat, 3 eurokoa.