Gipuzkoako gaztetxeak saretzen gaur ere, Kontrakantxa Gaztetxean

Hainbat herritako gaztetxe­e­ta­ko kideen esperientzien be­rri izan zuten atzo Kontra­kantxa Gaztetxean bildu­ta­koek; Tolo­sal­dea, Goierri eta Iruñerri­ko­e­na, besteak beste. Hitzaldi horrekin eman zioten hasiera Gipuzkoako Gaz­tetxe eta Asan­bladen To­pa­ketari, eta gaur izango dute jarraipena.

Hamaika haritatik soka berari tiraka lelopean, hain zu­zen «herrialde mailan gaz­tetxeak saretzen hastea» dute helburu topaketa hauek, eta «eztabaida eta erronketan sa­kondu» eta «herriz herri ga­ratzen ari diren proiektuak ezagutzeko» hainbat ekitaldi antolatu dira. Gaur bertan, hainbat hitzaldi, manifestazio eta kontzertu izango dira.

Autogestioa, faxismoa, segurtasuna edota etorkinak hizpide

Egunari hasiera emateko, go­saritarako tartea izango da gaur Kontrakantxan, 09:00e­tan, eta aurreneko hitzaldi edo tailerra 10:00etatik eguerdiko 12:00e­tara egingo da, autogestioaren inguruan. Gero, 14:00ak arte, XXI. men­deko okupazio eta faxismo ereduak ezagutu ahal izango dira, eta bazkarita­ra­tako tar­tea irekiko da 14:30etan.

Arratsaldean, segurtasun tailerra, etorkinen auzia eta militantzian izaten diren era­so eta harremanak landuko dira 15:30etatik 17:30etara, eta 19:00etan manifestazioan ate­-r­­ako dira, Gaztetxeak saretu, autodefentsa antolatu lelo­pe­an. Afaria egingo da 21:00etan, eta eguna bukatzeko, Starlus, Eztanda eta Bake Faltsua taldeen kontzertuak izango dira.

Azken eguna, biharkoa

Asteburu osoa hartuko duten topaketak bukatzeko azken hitzordua bihar jarri da. Goizeko 10:00etan  gosaria emango da, eta ondoren, 11:00etan, auzolanerako deia egin da, guztia txukuntzeko.