Obra egin du Udalak Santio Zeharrarako igoeran, aparkaleku berria egiteko, eta dagoeneko erabili daiteke.
Era berean, lan hauek aprobetxatuta, kiroldegitik aurrera dijoan espaloia luzatu da, Udalaren esanetan, «sagardotegietarako igoera seguruagoa izan dadin».
Bederatzi etxebizitza berriak, lehengo aparkalekuan
Kiroldegiaren eta Ipintza eta Rezola sagardotegien artean eraiki du Udalak aparkaleku berria. Izan ere, aparkaleku berri honen parean zegoen lehengoa, baina bertan bederatzi etxebizitza berri egingo dira.
Hori horrela, «Udal Gobernuak ez zituen bizilagunak aparkalekurik gabe utzi nahi kiroldegia, musika eskola eta Herri Eskolaren inguruan, eta ordezko konponbidea bilatu du». Kiroldegi aurreko espaloia sagardotegietara luzatuta, berriz, oinezkoentzako segurtasuna bermatu da.