AURTENGO inauterietan mozorro original eta on askoak ikusi ziren Hernaniko kaleetan zehar. Deigarriak asko eta asko, baina bi batez ere denen ahotan egon ziren: Antziolako taldeak atera zuen hegazkina, bere tripulazioarekin, eta Maialen traineruz eta arraunlariz mozorrotutako koadrila.
Bi hauek izan ziren, asteazkenean, Biteri kultur etxean, aukeratuak saria jasotzeko, nahiz eta Jai Batzordeak lan zaila izan duen, koadrila asko baizeuden mozorrotuta herrian. Aurtengo giro ona eta partaidetza goraipatu ziren ekitaldian.
Bi sari poltsikoratu zituzten bi talde irabazleek: 100 euro Hernaniko Berriak merkatari elkarteko dendatan erabiltzeko, eta aurtengo inauterietako kartela.