Hitzaldia emango du gaur ikastolako aretoan, Iñaki Olaskoaga psikologoak: Ikasketetan hobetu, emozioak landuz. Herri Eskolako guraso elkarteak gonbidatuta, emozioak ondo lantzeak ikasketetan hobetzen laguntzen duela argituko du, 18:30etatik 20:30etara.
Gurasoek, emozioetan eragina
Hitzaldian zehar Olaskoagak argituko du «emozioek gaitasun intelektualek baino garrantzia haundiagoa» dutela.
Zentzu horretan, gainera, «gurasoek emozioetan eragin haundia» dutela ziurtatzen du, eta, beraz, seme-alabei nola lagundu jakiteko hainbat argibide emango ditu, gaurko saio irekian.
Hitzaldia euskeraz izango da, eta guraso guztiak daude bertaratzera gonbidatuta. Guraso Elkarteak Udalaren laguntzarekin antolatu du saioa.