Animalien zaintzari buruzko kanpaina, elkarbizitza hobetzeko

Udalak sentsibilizazio kan­pai­na jarri du martxan, «txa­kur jabeen, animalien eta he?rritarren arteko elkarbizitza hobetzeko asmoz». Kapainak bi fase ditu, eta aurrenekoa, astelehenean hasi zen eta os­ti­ralean bukatuko da. Bi­ga­rrena, apirilaren 23tik 29ra egongo da martxan.

Kanpaina bera ari dira martxan jartzen, baita ere, Andoain, eta Lasarte-Orian.

Animaliak, era «arduratsuan»

Kanpainaren helburua da «animaliak edukitzeko era arduratsua bultzatzea».

Aurreneko fasea astelehe­ne­­an jarri zen martxan, eta os­ti­­ra­lera arte luzatuko da. Bes­teak beste, bi ekintza egiten ari da kanpainan parte hartzen ari den hezitzailea; batetik, au­zoz auzo berdegune edota lu­rre­an jaso gabe utzi diren go­rotzak seinalatzen ditu ban­de­ra­txo gorri bat ja­rri­ta, eta era be­re­an, klario­na­rekin zirkulu bat egi­ten ari da inguruan. Horrez gain, txakur jabeak in­for­matu eta sen­tsi­bi­li­zatzen di­tu. Ho­ne­kin guz­tia­re­kin, hiru ja­rre­ra indartu nahi dira, Uda­la­ren esanetan: txakurrak lo­tu­ta eramatea, gorotzak ja­so­tzea eta arrisku­tsuak izan dai­tez­ke­en txaku­rrak lotuta eta mu­tu­rrekoa­re­kin erama­tea eta li­zen­tzia du­e­nak gi­da­tu deza­la.

Hiru jarrera indartu nahi dira: txakurrak lotuta eramatea, gorotzak jasotzea eta txakur arriskutsuak muturrekoarekin eta lotuta eramatea.

Bigarren fase bat ere izan­go du kanpainak, apirilaren 23tik 29ra, eta orduan, oraingo ekintzak errepikatzeaz gain, gorotzak jasotzen ez dituz­te­nei poltsak emango zaizkie.

Beterri-Buruntzako ekimena

Kanpaina hau Beterri-Burun­tza eskualdeko enplegua sus­ta­tzeko ekimenetako bat da, eta Astigarragaz gain, An­doain eta Lasarte-Oria ere ari dira parte hartzen.

Proiektua kudeatzen duen he­zitzailearen kontratazioa Lan­bidek subentzionatu du %100, Eusko Jaurlaritzaren bidez.